QARAMANLARNI NASIL DEÑİŞTİRE EDİLER

Azat etüvi boyunca ameliyatı, daa çiçek ayında başlanğan.

Haberler
2022-09-23 15:27:27

Foto: Ukraina Telükesizlik Hızmeti 

UA SOUTH, Azovstaldan 205 ukrain qoruyıcı ve 10 yabancısınıñ Viktor Medvedçukqa ve 55 rusiyeline deñiştirüviniñ bazı tafsilâtlarnı bilip oldı. Türkiye akimiyetine yaqın olğan Anqaradaki öz menbalarınen laf etip oldıq. 

Deñiştirüv aqqında özgün haberini alıp onı bütün dünyası bıyunca tarqatqan Haber Türkten jurnalist Fevzi Çakır, UA.SOUTH’ğa şunı bildirdi: azat etüvi boyunca ameliyatı, daa çiçek ayında başlanğan. Yani, Azovstalniñ qaramanları teslim olmağa emirini alğandan evel. 

Teşebbüsçisi, qudasını (çiçek aynıñ 12 Viktor Medvedçuknı UTH tutıp alğan) keri almağa istegen Vladimir Putin olğan. 

UA.SOUTH’nıñ başqa anonim olğan sübetdesi, deñiştirüvini rusiye ve türkiye tarafından eki ülkeniñ mahsus hızmetleri azırlay ediler. Ukrain tarfından dört insannıñ haberi bar edi: prezident Vladimir Zelenskiy, ofisniñ başı Andrey Yermak, arbiy istihbaratınıñ reberi Kirill Budanov ve Devlet mülk gondınıñ ameldeki reberi Rustem Umerovnıñ. Soñkisi, o vaqıt “Ses” fırqasından Ukraina depıtatı olıp türk tarafınen uzlaşuvı içün mesüliyetli edi. Daa Umerov, on ecnebiyniñ serbest etüvi boyunca Saudiy Arabistan Qırallığınıñ şehzadesi Muhammed bin Salmannı da qoşqan. 

Foto: Ukraina prezidentiniñ resmiy internet vekâleti 

Aynı zamanda bı ameliyatına cemiyetniñ azırlanuvınıñ halq ögünde yapılğan qısmı keçirile edi. Onı Medvedçuknıñ ömür arqadaşı Oksana Marçenkonıñ prezident Erdoğanına yapılğan ve çiçek aynıñ 13 tarqatılğan video muracaatı tasdıqlay. 

Ameliyat üzerinde 205 ukrain arbiyini azat ettiler, olarnıñ arasında “Mariupol” garnizonnıñ beş reberi bar: Denis Prokopenko, Svâtoslav Palamar, Sergey Volınskiu, Denis Şlega ve Oleg Homenko. Olar Türkiyede türkiye yetekçisiniñ şahsiy imayesi astında cenkniñ soñuna qadar qalacaqlar. Deñişüvniñ şartları böyle. Şimdi ukrain qaramanları türkiye hastahanesinde bulunalar.

Menbalarımızğa binaen, Türkiye prezidenti Erdoğan, ceryanğa Vladimir Zelenskiyniñ muracaatından soñ qoşuldı.

Qalğan 200 qaramanı ise - Ukrainada. 

Foto: Ukraina prezidentiniñ resmiy internet vekâleti 

Foto: Ukraina Telükesizlik Hızmeti 


Prev

Aqmescit şeerindeki mobilizatsıya noqtas...

Next

MECLİS MAYDANĞA ÇAĞIRA


Add Comment