Yelena Naumovnanı kene de hırsızlap azap çektireler

Belli tik-tok blogeri ve ocası, kene de esirge oğrağan

İlk küz aynıñ 21 Yelena Naumovnanıñ oğlusı, içtimaiy ağında: “anam kene de ğayıp olğan” yazğan. 

Yelena Naumova - 57 yaşında olğan Hersondaki ocası. Yaşlarnıñ arasında işğalcılarnıñ üstünden külüp Ukraina qoruyıcılarına qol tutıp külkünçli videolarnıñ sayesinde rağbetli olğan. Arman aynıñ 23 qadınnı rusiye arbiyleri qırsızladılar.

İlk küz aynıñ 6 Yelenanı azat ettiler. Mıkola, anasını raatsızlamamağa rica etken edi. Tek şimdi işğalcılar 58 yaşında olğan ocasını serbest etmegenini, onı ev tevqifine keçirgenlerini belli oldı.

Naumovanıñ yañı ğayıp oluvını onıñ sou-sopları ve qomşuları tasdıq ettiler. Bunen beraber TikTok’ta bir video peyda olğan. Bu videoda Yelena, közlerniñ tübğnde qara tögereklernen, soñki vaqıt içinde oña has olmağan rusiye tilinde rusiye arbiylerini aqaret etüvi içün afu soray. 

Mıkola Naumovnıñ fikirine köre, anasını basqığa oğratalar. Onıñ sözlerine binaen, ilk küz aynıñ 19 işğal akimiyetiniñ vekilleri (Mıkola, olarnı “kuratorlar” dep adlay) Yelenanı o, serbest ukrain territoriyasına çıqıp ketmege azırmı dep sordılar. Qadın razı oldı, o vaqıttan beri tuvğanlar onı körmediler.