SERGIY KAPTÖL QAYDA?

Bir qaç kün soñra Marina, şeerde Sergeyniñ maşnasını kördi. Nomerasız ve içinde rusiye arbiylerinen.

Yarım yıldan ziyade tuvğanlar Melitopolli Sergey Kaptölnı nafile qıdıralar. Saban aynıñ 7 o, tuvğan şeerinden Zaporojye vilâyetiniñ serbest territoriyasına çıqqan, o vaqıttan beri onnen bağı yoq. 

49 yaşında olğan erkek, 25 yılnı ukrain ordusına alıp bergen. Melitopol uçaq alanında uçaqlarnı tüzete edi. Eki yıl evel praporşçik unvanı ile pensiyağa çıqıp niayet sevimli işinen oğraşmağa başladı - bostan ve avnen. Şu saban ayınıñ qara kününde Sergey, ana-babasına ketken. İşğal etilgen territoriyasınıñ qayısı blok noqtasından çıqqanını ömür arqadaşınıñ haberi yoq. Marina, aqayı, ana-babasınıñ köyüne barıp olamağanı aqqında haberini alğan kününde telâş kötergen. Sabadan işğal komendatıralarına ketken. Onıñ aqayı ne yerde sualine rusiyelilerinden iç kimse cevap bermegen. Bir qaç kün soñra Marina, şeerde Sergeyniñ maşnasını kördi. 

Nomerasız ve içinde rusiye arbiylerinen. Buna köre, aqayınıñ hırsızlavınıñ onıñ esas versiyası, blokpostta olğan davasıdır. İşğalcılar, belki de Sergeyniñ maşnasını almaq içün onı toqtattılar, sabıq arbiyi ise - qarşılıq kösterebile edi. Arman ayında Qırmızı haçnıñ vekilleri Marinanı haberdar ettiler: Sergey, rusiyelilerniñ esirinde olğanını tasdıq ettiler. Amma tutulğan yerini aytmaylar.