Volodımır Androsoviç qayda?

Bir buçuq ay içinde Volodımır, “Azovmaş”ında sürekli atışlar astında yaşamaqta edi, çiçek aynıñ 12 ise - anda bulunğan episinen beraber rusiye esirine oğrağan.

62 yaşında olğan Volodımır Androsoviç, Mıkolayiv vilâyetindeki Ulyanovka köyünden mektep avtobusnıñ aydayıcısı. Uvut aynıñ 27 daa üç aydayıcısınen beraber arbiylerni Mariupolğa alıp ketken. Tayin etilgen yeri - “Azovmaş” zavodı edi. Şeer şiddetli muarebesine  endi oğrağan edi, bunıñ içün işhaneniñ territoriyasını terk etmege yasaq ettiler. Bir buçuq ay içinde Volodımır, “Azovmaş”ında sürekli atışlar astında yaşamaqta edi, çiçek aynıñ 12 ise - anda bulunğan episinen beraber rusiye esirine oğrağan. Mariupoldan insanlarnı çıqarıp ketken göñüllerniñ şaatlığına köre, mayıs ayında Vladimirni Olenivkadaki koloniyasında körgen ediler. Aynı bu koloniyanı rusiyeliler, onlarca ukrain arbiyini ölderip oraq aynıñ soñunda patlattılar. Olarnıñ arasında Volodımır, belki de yoq: mayıs ayında esirni andan alıp çıqarğanları aqqında tuvğanlarnıñ malümatı bar, amma ne yerge - belli degil. Volodımır, Jıtomır vilâyetinde doğıp ösken. 21 yaşında Mıkolayivli beden edebiyatı ocası Ninanen tanıştı. Aşıq oldı, evlenip köçken. 

Köyde sport bölükleri olmağan edi. Vladimir, çoq yıl devamında öz araba ve şahsiy parası ile köy oğlanlarnı Novıy Bug şeerine futbol idmanlarına alıp ketire edi. Erkek, pensiyağa çıqqanda oña mektep avtobusnıñ aydayıcısı işini teklif ettiler. 

Volodımır ve Ninanıñ dört balası, altı torunı bar. Arman aynıñ 27 daa Sofiya torunı da doğğan.  Bunıñ aqqında qartbabasınıñ haberi daa yoq. 

Volodımır Androsoviçni özüni kendi ilân etilgen DHC’niñ telekörüvindeki levhalarında köstere ediler. Propagandacılar, o, arbiy dep yalan ayta ediler. Amma Rusiyede yaşağan onıñ soy-sopları, DHC reberligine müracaat etkende, öyle mabusı yoq dep cevap berdiler.