Aleksey Manannikov qayda?

5 aydan ziyade tuvğanlar mariupolcı Aleksiy Manannikovnı qıdıralar.

5 aydan ziyade tuvğanlar mariupolcı Aleksiy Manannikovnı qıdıralar. Çiçek aynıñ 11, 58 yaşında olğan erkek, öz anasını kömmege tırışa edi. Mariupolğa rusiye raketalar uçqanda o, 85 yaşında edi, ve endi yürip olamağan edi. Ev, raketanıñ uruvı içün yanmağa başladı, qadınnı azbarğa çıqarıp oldılar, amma qurtarıp olamadılar - yüregi dayanmadı. Şiddetli atışlar sebebinden anasını eki afta devamında kömmip olamağan edi. Niayet Aleksiy beklememege qarar berip, mağazdan çıqıp garajdan bisikletni almağa çıqqan. Amma garajlarnıñ yanında onı rusiye arbiyleri alğanlar.

Tınç Mariupolda Aleksiy Manannikov, evlerde domofonlarnı yerleştire edi, bundan evel USQ’de hızmet ete edi. Pensiyağa mayor unvanında çıqqan. Özüni kendi ilân etken DHC’de tuvğanlarnı Manannikov, arbiy esiri olğanını dep bildirdiler. Bunen beraber, esir etilgenlerniñ ukrain cedvelinde onıñ adı yoq, çünki ordudan Aleksiy daa 2005 senesi çıqqan. Aileniñ malümatına köre, onı baştan Olenivkadaki taqiqat tevqifhanesinde tuta ediler. Amma oraq aynıñ 29 onlarca ukrain arbiy esirini öldürgen patlavı olğanda, Aleksiy anda endi bulunmağan edi. Onı Donetsk taqiqat tevqifhanesine alıp keçirdiler. Rusiye, Aleksiy Manannikovnı onıñ arbiyleri tutıp alınğanını tasdıq etmey. Onıñ bulunğan yeri aqqında iç bir malümatı Qırımızı Haçta da yoq.